စားသောက်ဆိုင် ဖွင့်ထားတယ် ….

စိတ်ညစ် ပါရဲ့ နော် ....။ Facebook မှာ လယ်စိုက် ၊ အကောင်မွေး၊ ဓားပြတိုက် ရတာ ခြေကုန် လက်ပန်းကျသွားလို့ နားမယ် ကြံခါ ရှိသေး ... ။ ခုတမျိုး ရောက်လာပြန်ပြီ။


Android Market မှာ Restaurant Story တွေ့လို့ Download လုပ်မိပါတယ် ... အစပိုင်းမှာတော့ သိပ် စိတ်မပါဘူး။ စားသောက်ဆိုင်လေး ဖွင့် ... လူခြောက်ယောက်ထိုင် စားပွဲလေးနဲ့ ... မီးဖို နှစ်ဖိုနဲ့ ချက်လိုက် .... Customer တွေ ၀င်စားလိုက်နဲ့ .... အေးအေး ဆေးဆေး ပဲပေါ့ ...။

တရက်လောက် ကြာတော့ Level တက်လာပြီ ... ပိုက်ဆံလည်း အနည်းငယ် စုမိပြီ။ စားပွဲ ကုလားထိုင်တွေ ထပ်ဝယ်၊ ဆိုင်ချဲ့  ၊ မီးဖို အသစ်ဝယ်နဲ့ အခုတော့ ၁၄ယောက် တပြိုင်ထဲ စားလို့ ရသွားပြီ ...။

သူတို့ စားပြီးလို့ ပြုံးပြုံးလေး ထွက်သွားရင် စိတ်ချမ်းသာလို့ ... ။ မကျက်သေးလို့ စောင့်ရတာ ကြာလို့များတော့ မျက်နှာကြီးတွေ နီ ... စိတ်ဆိုးပြီး ထွက်သွားကြရင် စိတ်မောလို့ ... ။ အလျှင်မီအောင် ချက်လိုက်ရတာလေ။ အမြန်ဆုံး ကျက်တဲ့ ပေါ်င်မုန့် မီးကင်ကို မီးဖို တခုမှာ အဆက် မပြတ် တင်ထားရတာ။

လာစားတဲ့ သူတွေကလည်း အရင်ကထက် ပို ပိုများလာတယ်။ ချက်ထားပြီးသား အဆင်သင့် မရှိရင်ကိုပဲ စိတ်ပူ လိုက်ရတာလေ။ တခြား ကိစ္စတွေ ဘေးဖယ်ထား၊ အလျှင်မီအောင် အချိန်ကိုက် ချက်နေရတယ်။

ဝင်လာတဲ့ သူတွေကလည်း မစဲပဲ တသဲသဲ ... စားစရာတွေများ အသင့် ကျက်ပြီးသားရှိလို့ကတော့ ... စားနေလိုက်ကြတာများ အားရပါးရနဲ့ ... "စားကြ၊ စားကြဟဲ့ ... အများကြီး ရှိသေးတယ်" ... လို့တောင် ပြောမိနေပါလား ... ငါ့နဲ့နော် ....

သွားလေရာ ပါနေတဲ့ Hand Phone ထဲမှာ ဒီဆိုင် ရှိနေသ၍ ... ရုံးက Wi-Fi ခိုးသုံးလို့ ရနေသ၍ ... ဆိုင်ရှင်ခမျာ သနားစရာ ... ။ ဟော ... အခု ဒီစာ ရေးနေတဲ့ အချိန်မှာတင် သူတို့ ဒေါသထွက်ပြီး ပြန်ကုန်ကြပြီ။ စားစရာ ပြတ်သွားတာကိုး ... အမြန် ပြေးချက်ဦးမယ် .... နောက်မှ ဆက်ရေးပါရစေတော့ ...။



မချို (ပန်းခရမ်းပြာ)

Photo : ပန်းခရမ်းပြာ